"Manchester Siti" himoyachisi: "Biz Zinchenkoni sog'inamiz"

"Manchester Siti"ning 32 yoshli angliyalik himoyachisi Kayl Uolker ukrainalik yarim himoyachi Aleksandr Zinchenkoning jamoani tark etishi mumkinligi haqida gapirdi. Oldinroq Zinchenko Londonning "Arsenal" klubiga o'tishni yakunlagani ma'lum bo'lgandi.

"Biz Aleksandr Zinchenkoni sog'inamiz, ammo shunga qaramay, hayot davom etadi. Uning ketishi biz engishimiz kerak bo'lgan qiyinchilikdir. Biz kiyinish xonasida ikkita muhim o'yinchini - Fernandino va Raxim Sterlingni yo'qotdik, shuning uchun men, Ilkay Gyundogan, Ruben Dias, Rodri va Natan Ake jamoadagi yo'qotishlarini o'rnini qoplash uchun oldinga qadam tashlashimiz kerak", - dedi Uoker.

O'tgan mavsumda Zinchenko “Manchester Siti” safida barcha musobaqalar doirasida 28 ta o'yinda maydonga tushib, 5 ta golli uzatmani amalga oshirgan. Transfermarkt portali Aleksandrning narxini 25 million evroga baholamoqda.