"Bunyodkor"ning ikki futbolchisi jamoaning Minskdagi yig'iniga borib qo'shildi

Tajribali Akbar Ismatullaev va Jasur Yoqubov bugun "Bunyodkor"ning Minskdagi o'quv-yig'in mashg'ulotlariga kelib qo'shildi. Bu haqda klub matbuot xizmati xabar berdi.

Tushdan so'ng Minskka etib kelgan har ikkala futbolchi kechki mashg'ulotlarda ishtirok etdi. Mashg'ulot avvalida o'yinchilar "koridor"dan o'tishdi. So'ng yakka tartibda shug'ullanishdi.

Shuningdek, jarohatidan to'liq qutilmagan Frantsis Narx ham alohida yugurdi. Jamoa muxlislarini xursand qiladigan xabar shuki, jarohatidan qutilgan Suhrob Izzatov bugundan Minsk yig'inida ilk bor umumiy guruhga qo'shildi.