Lingard uchun kurashda APLdan yana bir klub paydo bo'ldi

Hujumkor yarim himoyachi Jessi Lingard "Tottenxem"ning nishoniga tushdi.

"Vest Xem" "Manchester Yunayted"ning sobiq futbolchisi uchun asosiy da'vogar sanalgandi. Bundan tashqari angliyalik futbolchiga Osiyo va MLS klublari ham qiziqish bildirishgan.

The Guardian xabariga ko'ra, "Tottenxem" vaziyatni diqqat bilan kuzatib bormoqda. "Shporlar" ma'lum sharoitda 29 yoshli futbolchi bilan muzokara boshlashga tayyor.

Jessi Lingard o'tgan mavsum oxirida "Manchester Yunayted"ni tark etganidan so'ng transferga qo'yilgandi.

“Qizil iblislar” tarbiyalanuvchisi Angliya premer-ligasida 165 uchrashuvda maydonga tushib, 29 gol urdi va 17 golga assistentlik qilgan.