Salihamidjich: "Biz de Ligtni “Bavariya”ga uch yil avval taklif qilmoqchi edik"

"Bavariya" sport direktori Hasan Salihamidjich "Yuventus" himoyachisi Matteys de Ligtning myunxenliklar jamoasiga o'tishi haqida fikr bildirdi.

“Men de Ligt endi “Bavariya”da o'ynashidan juda xursandman. Biz Matteysni 3 yil oldin Myunxenga taklif qilmoqchi edik, o'shanda uning himoyachi sifatidagi fazilatlariga amin bo'lgan edik, bugun esa yanada amin bo'ldik. O'zining professionalligi, kuboklarga ochligi va ajoyib xarakteri tufayli Matteys bizning jamoamizga va ambitsiyalarimizga mos keladi.

U "Bavariya" uchun maydonda ham, undan tashqarida ham muhim rol o'ynaydi. Yoshligida u allaqachon "Ayaks" etakchisi bo'lgan va 22 yoshida ham u yuqori darajada rivojlana oladi", - deya Salihamidjichning so'zlarini keltiradi Myunxen klubi matbuot xizmati.