De Ligt: "Bunday katta klub futbolchisiga aylanganimdan xursandman"

Himoyachi Matteys de Ligt "Yuventus"dan "Bavariya"ga o'tganidan so'ng o'z his-tuyg'ulari bilan o'rtoqlashdi.

“Bunday katta klub futbolchisiga aylanganimdan xursandman. "Bavariya" - Germaniyaning eng muvaffaqiyatli klubi. Va Evropaning eng yaxshi jamoalaridan biri.

Murabbiylar va Myunxen klubi rahbariyatining menga bo'lgan katta qiziqishini darhol his qildim. Bu meni transferga rozi bo'lishga ishontirdi", - deya futbolchining so'zlarini keltiradi klub rasmiy sayti.

22 yoshli De Ligt "Bavariya" bilan 2027 yilgacha mo'ljallangan shartnoma imzoladi.