Kan - de Ligt transferi haqida: "Bavariya" himoyasini mutlaq yuqori darajaga ko'tardi"

"Bavariya" bosh direktori Oliver Kan "Yuventus" himoyachisi Matteys de Ligtning nemis klubiga o'tishi haqida fikr bildirdi.

“Matteys de Ligt nafaqat o'yin sifatlari, balki barcha jamoalarida etakchi rol o'ynagan shaxs sifatida ham hayratda qoldiradi. U yoshligidan mas'uliyatni o'z zimmasiga olishni o'rgangan.

Kuchli jamoaga kuchli hujumdan ko'proq narsa kerak. Ushbu transfer tufayli biz himoyamizni mutlaq yuqori darajaga ko'tardik", - deya Kan so'zlaridan iqtibos keltiradi "Bavariya" sayti.

Nemis nashrlarining yozishicha, myunxenliklar 22 yoshli markaziy himoyachi uchun 70 million evro to'lagan. Yana 10 million "Yuventus" turli bonuslar ko'rinishida olishi mumkin.