"Torino" "Yuventus"ning taklifini qabul qildi

"Torino" "Yuventus"dan braziliyalik himoyachi Gleyson Bremer bo'yicha taklifni qabul qildi, deya xabar beradi jurnalist Fabritsio Romano.

Manbaga ko'ra, 25 yoshli futbolchi Turin klubiga 40 million evroga tushadi. Shuningdek, 7 million bonus sifatida to'lanishi mumkin. Ayni damda “Yuventus” rahbariyati futbolchining agenti bilan shaxsiy kelishuv shartlarini muhokama qilmoqda. Qayd etilishicha, Bremer yangi jamoasi bilan 5 yillik shartnoma imzolaydi, u mavsumda 5 million evro ishlab oladi.

Oldinroq futbolchiga Milanning "Inter" klubi ham qiziqish bildirayotgani haqida xabarlar tarqalgan edi.