Erik ten Xag De Yongni "Manchester Yunayted"da ko'rmoqchi ekanligiga ishora qildi

"Manchester Yunayted" bosh murabbiyi Erik ten Xag jamoaga yangi kelishi mumkin bo'lgan futbolchilar haqida gapirar ekan, "Barselona" yarim himoyachisi Frenki de Yongni o'z jamoasida ko'rish istagi borligiga ishora qildi. Biroq niderlandiyalik mutaxassis hamyurtining ismini aytmadi.

“Biz himoyaviy yarim himoyachi sifatida o'ynay oladigan o'yinchi qidirmoqdamiz. Bu pozitsiyada biz talab qilayotgan saviyani ko'rsata oladigan futbolchilar kam. Agar shunday o'yinchi topa olmasak, o'z futbolchilarimizdan yaratishga harakat qilamiz. Bizda ushbu rolga mos keladigan futbolchini tanlab oladigan ro'yxat bor", - deya Ten Xagning so'zlaridan iqtibos keltirgan The Athletic.