"Montsa" ertaga "Napoli" hujumchisi Petanya transferi bo'yicha muzokaralar olib boradi

Jurnalist Nikolo Skiraning xabar berishicha, "Montsa" "Napoli" hujumchisi Andrea Petanyaning transferini yakunlash niyatida.

Manba bergan xabarga ko'ra, ertaga, 20 iyul kuni klub 27 yoshli italiyalikni sotib olish imkoniyati bilan ijaraga olish bo'yicha muzokaralar olib boradi. Neapolliklar futbolchi uchun 15 million evro olmoqchi.

2021/22 yilgi mavsumda Petanya "Napoli" safida 32 ta o'yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt.com portali futbolchining narxini 12 million evroga baholamoqda.