APL. Aprel oyining eng yaxshi murabbiyi nomiga da'vogarlar e'lon qilindi

Angliya premer-ligasi aprel oyi yakunlari bo'yicha eng yaxshi murabbiy nomiga da'vogarlar ro'yxatini e'lon qildi.

Nomzodlar — Xosep Gvardiola («Manchester Siti»), Yurgen Klopp («Liverpul»), Skott Parker («Fulxem») va Nunu Eshpiritu Santu («Vulverxempton»).

«Manchester Siti» aprel oyida 5ta o'yinda maydonga tushib, 5ta g'alabani qo'lga kiritdi. To'plar farqi — 9:1. «Liverpul» esa 4ta o'yinning barchasida g'alaba qozondi — 12:1.

Premer-ligani tark etishi aniq bo'lgan «Fulxem» 3ta o'yinda g'alaba qozonib, bir marta yutqazdi. «Vulverxempton» esa 5ta o'yinning uchtasida g'alaba qozonib, bir marta durang o'ynadi va bitta uchrashuvda yutqazdi.