"Latsio" etakchisi "Sevilya" bilan muzokaralar olib bormoqda

Rimning "Latsio" klubi yarim himoyachisi Luis Alberto faoliyatini La Ligada davom ettirishi mumkin.

Marca nashri bergan ma'lumotlarga ko'ra, 29 yoshli futbolchini "Sevilya" o'z safiga qo'shib olmoqchi. Hozirda tomonlar o'rtasida muzokaralar davom etmoqda.

Ispaniyalik xavbekning italyan klubi bilan shartnomasi 2025 yilgacha tuzilgan. Transfermarkt uni 28 million evroga baholamoqda.

Manba: Marca