Rasman! "Tottenxem" yangi himoyachini o'z safiga qo'shib oldi (foto)

"Tottenxem" "Midlsbro" himoyachisi Jed Spens bilan shartnoma imzolaganini e'lon qildi.

Transfer summasi aniqlanmagan. "Shporlar" 21 yoshli ingliz futbolchisi bilan 2027 yilning iyun oyi oxirigacha shartnoma imzoladi.

2021/22 yilgi mavsumda Spens "Nottingem Forest"da ijara asosida o'ynadi. Futbolchi "o'rmonchilar" safida barcha musobaqalarda 46 ta o'yinda 3 ta gol urdi va 5 ta golli uzatmani amalga oshirdi.

Transfermarkt.com portali himoyachining narxini 8 million evroga baholamoqda.

Manba: Sport-Express.ru