Depay Premer-ligaga qaytishni istamayapti

"Barselona" hujumchisi Memfis Depay APLga qaytishni istamayapti, deb xabar beradi Sport.es.

Oldinroq 28 yoshli niderlandiyalik futbolchini "Tottenxem" o'z safiga qo'shib olmoqchi ekanligi ma'lum bo'lgandi. "Barselona" agar 20 million evrolik taklif tushsa, hujumchi bilan xayrlashishga tayyor.

Depay 2015 yilning iyulidan 2017 yilning yanvarigacha Angliyada "Manchester Yunayted"da o'ynagan.

O'tgan mavsumda futbolchi "Barselona" safida barcha musobaqalarda 37 ta o'yinda 13 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 35 million evroga baholamoqda.