Vieyra: "Gallaxerning qaytishiga umid bor deb o'ylamayman"

"Kristal Pelas" bosh murabbiyi Patrik Vieyra yarim himoyachi Konor Gallaxerning jamoaga qaytishi mumkinligi haqidagi savolga salbiy munosabat bildirdi.

"Ayni damda uning qaytish imkoniyati yo'q deb o'ylayman. U "Chelsi" futbolchisi. U erda mavsumoldi mashg'ulotlarini o'tkazmoqda. Rostini aytsam, unga eng yaxshi tilaklarni tilaymiz”, - dedi Vieyra.

O'tgan mavsumda, "Kristal Pelas"da ijara asosida Gallaxer jamoaning eng yaxshi futbolchisi deb topilgandi. Uning o'yini Angliya terma jamoasi bosh murabbiyi Garet Sautgeytning e'tiborini tortdi.

Premer-ligada u 34 ta o'yinda maydonga tushib, 8 ta gol urdi va 3 ta golga assistentlik qildi.