Pyontekka A Seriya klublari qiziqish bildirmoqda

Huquqlari Berlinning "Gerta" klubiga tegishli bo'lgan polshalik hujumchi Kshishtof Pyontek Italiya A Seriyasiga qaytishi mumkin. Bu haqda ijtimoiy tarmoqlarda jurnalist Nikolo Skira xabar bermoqda.

Insayder xabariga ko'ra, 27 yoshli futbolchining xizmatlariga A Seriyaning ismlari oshkor etilmagan ikki vakili qiziqish bildirmoqda.

Kshishtof o'tgan mavsumning ikkinchi qismini "Fiorentina"da ijarada o'tkazdi. U "binafshalar" safida 18 ta o'yin o'tkazib, 6 ta gol urgan. Bungacha u A Seriyada “Milan” va “Jenoa” jamoalarida o'ynagan.

Polshalik futbolchining bozor qiymati 12 million evroga baholanmoqda.