"Barselona" prezidenti transfer bozoridagi navbatdagi maqsadni aytdi

"Barselona" prezidenti Joan Laporta hujumchi Robert Levandovski bilan tuzilgan shartnomadan so'ng klubning transfer rejalari haqida gapirdi.

"Robert Levandovskining transferidan so'ng biz himoya chizig'ini kuchaytirish ustida ishlash niyatidamiz", - dedi Laporta.

Eslatib o'tamiz, bir kun avval Levandovski "Barselona"ga o'tgan edi. Bitim summasi 45 million evroga baholanmoqda.

Himoya chizig'ini kuchaytirish uchun "ko'k-anorranglilar" Jyul Kunde, Sezar Aspilikueta va Markos Alonso nomzodlarini ko'rib chiqmoqda.

Qo'shimcha qilamizki, o'tgan mavsumda Xavi Ernandes shogirdlari La Liganing kumush medali sohibiga aylanishdi.