APL klublari "Renn" hujumchisi uchun kurashadi

"Renn" hujumchisi Martin Terre faoliyatini Angliyada davom ettirishi mumkin, deb xabar beradi L'Equipe.

Manbaga ko'ra, 25 yoshli frantsiyalik futbolchiga "Lids" va "Vest Xem" da'vogarlik qilmoqda. Qayd etilishicha, frantsuz klubi futbolchi bilan 40 million evro evaziga xayrlashishga tayyor.

Terre o'tgan mavsumda 37 ta o'yinda maydonga tushib, 21 ta gol urdi va 4 ta golli uzatmani amalga oshirdi. Transfermarkt portali futbolchining narxini 25 million evroga baholamoqda.