«Borussiya» rekord narxga xarid qilgan futbolchida saraton kasalligi aniqlandi

Dortmundning «Borussiya» klubi Sebastyan Allerning sog'lig'i borasida bayonot berdi.

Manbaga ko'ra, jamoaning yangi futbolchisi dushanba kungi mashg'ulot paytida o'zini yomon his qilgan. 28 yoshli ivuarlik futbolchi chuqurlashtirilgan tibbiy ko'rikdan o'tkazilganida, unda saraton kasalligi belgisi — o'sma aniqlangan. Aller "Borussiya"ning Shveytsariyada yig'in o'tkazilayotgan bazasini tark etgan.

«Borussiya» yaqinda 35 million evro evaziga Allerni «Ayaks»dan xarid qilgandi. Bu klub uchun rekord transfer hisoblanadi. Hujumchi jamoa bilan 2026 yilgacha bo'lgan muddatga shartnoma imzolagan.