Xavi muammolarni hal qildi

"Barselona" bosh murabbiyi Xavi 16 iyul kuni AQShga bo'ladigan turnega jamoa bilan uchishiga to'sqinlik qilgan ma'muriy muammolarni hal qildi.

Barca Universal xabariga ko'ra, Xavi 18 iyul kuni Amerika vizasini oladi va 19 iyul kuni ertalab Mayamiga uchadi. Murabbiy jamoani “Inter Mayami”ga qarshi o'rtoqlik o'yiniga tayyorlashga ulguradi.

Avvalroq, Xavi Qatarning "As-Sadd" klubi futbolchisi bo'lganida Eronga uch bor tashrif buyurgani uchun AQSh rasmiylari undan qo'shimcha hujjatlar talab qilgani xabar qilingandi. AQSh hukumati terrorizm homiysi deb hisoblagan Eron bilan rasmiy diplomatik aloqalarga ega emas.