Marselo "Marsel" bilan shartnoma imzolashi mumkin

"Real"ning sobiq himoyachisi Marselo faoliyatini "Marsel"da davom ettirishi mumkin. Jamoaning yangi bosh murabbiyi Igor Tudor braziliyalikni jamoaga taklif qilmoqchi.

34 yoshli braziliyalik futbolchiga avvalroq "Los-Anjeles"dan taklif tushgan, biroq u faoliyatini Evropada davom ettirmoqchiligi ma'lum bo'lgandi.

Marselo 2007 yildan 2022 yilgacha "Real" tarkibida o'ynagan. Klub tarkibida u olti marta Ispaniya chempioni bo'ldi, besh marta Ispaniya Superkubogi va Chempionlar ligasida g'olib chiqdi, uch marta UEFA Superkubogi va ikki marta Ispaniya kubogini qo'lga kiritdi, shuningdek, to'rt marta klublar o'rtasidagi jahon chempionatida g'olib chiqdi.

Yozda u ispan klubini erkin agent sifatida tark etdi.