"Latsio" etakchisi jamoada qolishi mumkin

Yarim himoyachi Sergey Milinkovich-Savich yozda “Latsio”da qolishi mumkin. Rim klubi hozircha 27 yoshli serbning transferi bo'yicha rasmiy takliflarni olmagan.

Oldinroq ingliz klublari yarim himoyachi uchun taxminan 55 million evro taklif qilgani haqida xabarlar tarqalgan edi. Rimliklar rahbariyati 70 millionlik taklifga rozi bo'lishi mumkin.

Milinkovich-Savich o'tgan mavsumda "Latsio" tarkibida 47 ta o'yinda maydonga tushib, 11 ta gol urdi va 12 ta golli uzatmani amalga oshirdi.

27 yoshli serbning “Latsio” bilan shartnomasi 2024 yilning yozida yakuniga etadi.