Kubo "Real Sosedad" uchun tibbiy ko'rikdan o'tadi

Madridning “Real” klubi yarim himoyachisi Takefusa Kubo “Real Sosedad”ga o'tishga yaqin turibdi, deya xabar bermoqda jurnalist Fabritsio Romano.

Manbaga ko'ra, yaqin orada 21 yoshli yaponiyalik tibbiy ko'rikdan o'tadi va shundan so'ng u jamoa bilan 2027 yilgacha shartnoma imzolaydi. "Real Sosedad" futbolchining 50 foiz huquqlari uchun 6,5 million evro to'lashi xabar qilingandi.

O'tgan mavsumda futbolchi "Malorka"da ijara asosida o'ynagan. U klub safida 30 ta o'yinda maydonga tushib, 2 ta gol urdi va 3 ta golli uzatmani amalga oshirdi.