"Bavariya" yosh hujumchisini sotib yuborishi mumkin

Myunxenning "Bavariya" klubi hujumchisi Joshua Zirkzee "Bolonya"ga o'tishi mumkin.

Qayd etilishicha, nemis klubi 21 yoshli niderland uchun taxminan 10 million evro so'ramoqda. Hujumchiga "Ayaks", PSV va Premer-liga klublari ham da'vogarlik qilmoqda.

Futbolchining “Bavariya” bilan shartnomasi 2023 yilning iyunida yakuniga etadi.

Zirkzee o'tgan mavsumda "Anderlext"da ijara asosida o'ynagan. 47 uchrashuvda u 18 ta gol urdi va 13 ta golli uzatmani amalga oshirdi va gol+pas tizimi bo'yicha klubning eng yaxshi futbolchisiga aylandi.