"Napoli" nima sababdan Dibala bilan shartnoma imzolamadi?

"Napoli" sport direktori Kristiano Jintoli klub nima uchun Paulo Dibala bilan shartnoma imzolashdan bosh tortganini tushuntirdi.

“Biz Dibalani tarkibni kuchaytirish uchun yana bir imkoniyat deb hisobladik va bu transferni amalga oshishi mumkin deb o'yladik. Ammo keyin biz uning agentlari bilan gaplashdik va bu biz uchun ham, uning uchun ham variant emasligi ayon bo'ldi. Spalletti 4-3-3 sxemasida o'ynashni istayotganini va Dibala uni o'z qarashlarini o'zgartirishga majbur qilishini aytdi", - deya Jintoli so'zlarini keltiradi klub matbuot xizmati.

Avvalroq, 28 yoshli argentinalik "Roma" bilan 2025 yilgacha shartnoma imzolashi mumkinligi haqida xabar berilgandi.

O'tgan mavsumda hujumchi "Yuventus" safida 39ta o'yinda maydonga tushib, 15ta gol urdi va 6ta golli uzatmani amalga oshirdi.