Ten Xag: "O'ylaymanki, hujumchilarimiz xursand bo'lishadi"

"Manchester Yunayted" bosh murabbiyi Erik ten Xag yarim himoyachi Kristian Eriksenning transferi jamoaga qanday ta'sir qilishini aytdi.

“Eriksen - tajribali futbolchi. U Italiyada, Niderlandiyada, Angliyada uzoq vaqt o'ynagan, shuning uchun u Premer-ligani biladi. Shunday ekan, uning jamoada ekanligi bizga katta ustunlik beradi.

Menimcha, u ajoyib futbolchi va muxlislar uning o'yinini qadrlashadi, chunki u juda ijodkor, g'oyalari bor. O'ylaymanki, bizning hujumchilarimiz xursand bo'lishadi, Eriksen ularni o'yinga jalb qiladi", - dedi Ten Xag "qizil iblislar" matbuot xizmatiga.

Mankunianliklar 30 yoshli futbolchining transferi haqida 15 iyul kuni e'lon qilishdi. Daniyalik futbolchi bilan 2025 yilgacha mo'ljallangan shartnoma imzolangan.

Eriksen o'tgan mavsumda "Brentford" safida o'ynab, 11 ta o'yinda 1 ta gol va 4 ta golli uzatmani amalga oshirdi.