"Arsenal" xavbeki APL klublari e'tiborini tortgan

"Arsenal" yarim himoyachisi Nikolya Pepega "Everton" va "Vest Xem" klublari qiziqish bildirmoqda.

Pepe 2019 yilning yozida London klubi uchun rekord darajadagi pul evaziga «Lill»dan «Arsenal»ga o'tgandi, biroq klubdagi uch mavsumi davomida u asosiy tarkib futbolchisiga aylana olmadi.

Mavsum oralig'ida "kanonirlar" yarim himoyachini sotishdan mo'maygina pul topishga umid qilmoqda. Fichajes xabariga ko'ra, futbolchiga "Everton" va "Vest Xem" qiziqish bildirgan.

Frenk Lempard shogirdlari Risharlison sotilganidan keyin hujumkor o'yinchilarni qidirmoqda. “Bolg'achilar” ham o'z navbatida hujumkor tarkibni kuchaytirishga intilmoqda.

Futbolchi o'tgan mavsumda APLda 20 ta o'yinda maydonga tushib, 1 ta gol urdi va 2 ta golli uzatmani amalga oshirdi.