"Roma" hujumchisi uchun qiziqarli takliflarni tinglaydi

"Atalanta" "Roma" hujumchisi Stefan El-Shaaraviga qiziqish bildirmoqda, deya xabar bermoqda jurnalist Nikolo Skira o'zining Twitter sahifasida.

Manbaning xabariga ko'ra, Bergamo klubi yozgi transfer oynasida futbolchini sotib olish variantini ko'rib chiqmoqda. Rimliklar qiziqarli taklif tushsa, futbolchini sotishi mumkin.

29 yoshli El-Shaaravi o'tgan mavsumda "Roma" safida barcha turnirlarda 36 ta o'yinda maydonga tushib, 7 ta gol urdi va bitta golli uzatmani amalga oshirdi. Uning klub bilan shartnomasi 2023 yilning yoziga qadar mo'ljallangan.