Xaverts: "Sterlingning statistikasi ko'p narsani anglatadi"

"Chelsi" hujumchisi Kay Xaverts "Manchester Siti"dan 50 million evro evaziga "ko'klar" safiga ko'chib o'tgan Raxim Sterlingning transferi haqida fikr bildirdi.

"U ajoyib futbolchi ekanligini hammamiz bilamiz. U biz bilan birga bo'lganiga bir necha kun bo'ldi, lekin uning sifati allaqachon sezilib qoldi. U "Manchester Siti"da so'nggi 5 yildagi eng yaxshi statistikaga ega. O'ylaymanki, bu ko'p narsani aytadi", - dedi Xaverts Football London bilan suhbatda.

Eslatib o'tamiz, 2017/18 yilgi mavsumdan beri Raxim Sterling Angliya Premer-ligasida har bir mavsumda doimiy ravishda kamida 10 ta gol urdi. "Chelsi"ga o'tishdan oldin futbolchining "Manchester Siti" bilan shartnomasi tugashiga atigi bir yil qolgandi.