"Inter" yana bir transferni amalga oshirni uddasidan chiqa olmadi

Milanning "Inter" klubi bir necha oy davomida muzokaralar olib borgan "Torino" markaziy himoyachisi Gleyson Bremer bilan shartnoma imzolay olmadi. Jurnalist Janluka di Martsioning yozishicha, “neradzurrilar” braziliyalik futbolchi uchun kurashdan chiqib ketdi.

Katta ehtimol bilan Bremer moliyaviy talablarini qondirishga tayyor "Yuventus" bilan shartnoma imzolaydi. "Inter" o'z navbatida futbolchi uchun zarur bo'lgan 40 million evroni to'lashdan bosh tortgandi.

Eslatib o'tamiz, Bremer o'tgan mavsumda Italiya A seriyasining eng yaxshi himoyachisi sifatida e'tirof etilgandi. Braziliyalik futbolchi allaqachon "Torino"ni tark etib, Chempionlar ligasida o'ynaydigan jamoaga o'tishni istayotganini ma'lum qilgan edi.