«Navbahor» O'runovga qancha maosh taklif qilayotgani ma'lum bo'ldi

"Spartak" yarim himoyachisi Oston O'runovga «Navbahor» klubi qiziqish bildirayotgani haqida xabar berib o'tgandik.

Metaratings xabar tarqatishicha, namanganliklar 21 yoshli futbolchiga 100 ming evro miqdorida yillik maosh taklif qilishgan.

O'zbekistonlik futbolchining "Spartak"dagi yillik maoshi esa 600 ming evroni tashkil qiladi. Manbaga ko'ra, O'runov kam maosh evaziga boshqa jamoaga o'tishni istamayapti. U so'nggi bir yarim mavsum davomida "Ufa" safida kam maosh evaziga o'ynashga majbur bo'ldi.

Avvalroq Rossiya premer-ligasining "Ximki" klubi O'runov masalasida "Spartak" bilan muzokara olib borgandi. Ammo futbolchining maoshi tufayli tomonlar kelishuvga erisha olmagandi. "Ximki" futbolchini ijaraga olib, uning maoshining bir qismini to'lashni, qolganini "Spartak"ning o'zi to'lashni taklif qildi. Bu esa moskvaliklarni qanoatlantirmadi. Jamoa O'runovni butunlay sotib yuborishni istamoqda.

Ma'lumot o'rnida. Oston O'runovning "Spartak" bilan shartnomasi 2025 yilning yoziga qadar tuzilgan.