Ana xolos! Misrda darvozabon o'yin vaqtida futbolchilik faoliyatini yakunlaganini e'lon qildi

Bir necha kun oldin Misr chempionati doirasidagi “Al-Ittihod” – “Keramika Kleopatra” jamoalari o'rtasidagi o'yin darvozabon bilan bog'liq vaziyat bilan yodda qoldi.

Ahmad Yahyo o'tkazib yuborilgan beshta goldan so'ng o'z muxlislari tomonidan haqoratlarga sabab bo'ldi. “Al-Ittihod” darvozaboni raqib hujumi boshidayoq maydonni yig'lab tark etdi va sheriklar hamda murabbiylar shtabi vakillarining uni tinchlantirishga urinishlariga qaramay, faoliyatini yakunlaganini e'lon qildi.

Aytish joizki, uchrashuvga bir necha kun qolganida Ahmad Yahyoning akasi vafot etgandi.

“Al-Ittihod” esa “Kleopatra”ga 0:5 hisobida imkoniyatni boy berdi.