O'runov maoshining kamaytirilishiga rozi bo'lmayapti

Oston O'runov “Spartak”ni tark etsa, maoshini kamaytirishga tayyor emas.

Metaratings portali ma'lumotlariga ko'ra, yarim himoyachida 3-4 variant bor. Biroq, 21 yoshli hamyurtimiz Moskva klubi bilan shartnomasiga ko'ra oladigan maoshini kamaytirishni istamayapti.

“Spartak” O'runov ijaraga olingan taqdirda unga to'liq maosh to'lashni rejalashtirmayapti, unga qiziqish bildirayotgan klublar esa futbolchining moliyaviy ehtiyojlarini to'liq qondirishga tayyor emas.

Shu bois “qizil-oqlar” futbolchini ijaraga berishdan emas, sotishdan ko'proq manfaatdor.

O'runov 2021/22 yilgi mavsumni ijara asosida “Ufa”da o'tkazgan. Uning “Spartak” bilan shartnomasi 2025 yilning yoziga qadar amal qiladi.