«Navbahor» O'runovga qiziqish bildirmoqda, Oston kam maoshga rozi bo'lmoqchi emas

"Spartak" yarim himoyachisi Oston O'runovga «Navbahor» klubi qiziqish bildirmoqda. Bu haqda Metaratings xabar tarqatdi.

Manbaga ko'ra, o'zbekistonlik futbolchi kam maoshga rozi bo'lmoqchi emas. Shu bois, tomonlar o'rtasidagi muzokara oson kechmaydi. Boz ustiga, "Spartak" O'runovni ijaraga berish haqida emas, uni to'laqonli sotib yuborish haqida o'ylamoqda.

Eslatib o'tamiz, Oston 2018-2019 yillarda «Navbahor» safida to'p tepgan.

Avvalroq Rossiya premer-ligasining "Ximki" klubi O'runov masalasida "Spartak" bilan muzokara olib borgandi. Ammo futbolchining maoshi tufayli tomonlar kelishuvga erisha olmagandi. "Ximki" futbolchini ijaraga olib, uning maoshining bir qismini to'lashni, qolganini "Spartak"ning o'zi to'lashni taklif qildi. Bu esa moskvaliklarni qanoatlantirmadi.

Ma'lumot o'rnida. Oston O'runovning "Spartak" bilan shartnomasi 2025 yilning yoziga qadar tuzilgan.