"Barselona" bu hafta navbatdagi transferni rasmiylashtirmoqchi

"Barselona" shu haftada "Chelsi" himoyachisi Sezar Aspilikueta bo'yicha ilk taklifini yubormoqchi. "Ko'k-anorranglilar"da londonliklar futbolchining ketishiga xalaqit bermasligi, ispaniyalik futbolchiga klub oldidagi xizmatlari uchun hurmat bajo keltirishi haqida ma'lumot bor.

Mundo Deportivo xabariga ko'ra, "Chelsi" minimal taklifni qabul qilishga tayyor. "Barsa" Aspilikueta bilan shartnoma imzolab, bir o'q bilan ikki quyonni ovlashga umid qilmoqda. Birinchidan, o'ng qanotda tajribali himoyachi bilan shartnoma imzolash. Ikkinchidan, Jordi Albaga yaxshi o'rinbosar, chunki Sezar himoyaning chap qanotida ham o'ynay oladi.

Ayni damda "Barsa" Albani almashtirmoqchi emas, ammo ular himoyaning chap qanotini yanada kuchaytirishni rejalashtirmoqda. Shu maqsadda kataloniyaliklar Markos Alonsoni tarkibga taklif etish haqida o'ylamoqda. Markosning transferi keyinroq ko'rib chiqilishi rejalashtirilgan.

Sezar "Chelsi" tarkibida 474ta o'yin o'tkazib, 17ta gol urgan va 55ta golga assistentlik qilgan.

Manba: Championat.com