Dembele "Barselona" futbolchilari bilan hazillashdi

"Barselona" hujumchisi Usmon Dembele ispan klubi bilan shartnomasini uzaytirgach, jamoadoshlaridan uni sardorlardan biriga tayinlashni so'radi. Bu haqda Mundo Deportivo xabar bermoqda.

Manbaga ko'ra, bu so'zlar "Barselona" futbolchilarini hayratda qoldirgan, biroq Dembele keyinchalik bu hazil ekanligini tushuntirgan. "Barselona"ning hozirgi sardorlari - Serxio Buskets, Jerard Pike, Serxi Roberto va Xordi Alba.

Eslatib o'tamiz, 2022 yilning 30 iyunida 25 yoshli futbolchi va "Barselona" o'rtasidagi 5 yillik shartnoma o'z nihoyasiga etdi. Tomonlar uzoq vaqt murosaga erisha olishmadi, ammo oxir-oqibat ular ikki mavsumga yangi shartnoma bo'yicha kelishib olishdi.

Yozgi transfer oynasida “Barselona” Frank Kessie va Andreas Kristensen (erkin agent), shuningdek, Robert Levandovski (“Bavariya”) va Rafinya (“Lids”) bilan shartnoma imzolaganini e'lon qildi.