Auar "Betis"ga o'tadi

"Lion" yarim himoyachisi Ussem Auar faoliyatini "Betis"da davom ettiradi.

Jurnalist Matteo Moretto xabariga ko'ra, "Lion" va "Betis" o'rtasida Auar bo'yicha kelishuv bor, ushbu transferga Uilyam Karvalyu ham qo'shiladi.

Agentlar kelishuvni imkon qadar tezroq yopish ustida ishlamoqda. Yarim himoyachi “Betis”ga o'tishga rozilik berdi.

O'tgan chorshanba kuni Frantsiyada bo'lib o'tgan uchrashuv muhim ahamiyatga ega bo'ldi.‌‌

24 yoshli frantsuz Transfermarkt tomonidan 25 million evroga baholangan. Uning "Lion" bilan shartnomasi 2023 yilda yakunlanadi.