Beyl MLSdagi debyuti haqida fikr bildirdi

Hujumchi Garet Beyl "Los-Anjeles"dagi debyuti haqida o'z fikrlari bilan o'rtoqlashdi. Jorjio Kellini bilan birgalikda ular birinchi marta AQSh klubida o'ynashdi.

“Bu ajoyib edi. Birinchi bo'limdanoq keskinlikni his qildim. Zaxira o'rindig'iga o'tirganimda maydonga tushib jamoaga yordam berishni xohladim. Men uchun formaga kirishim ham muhim edi”, - dedi Beyl klub matbuot xizmatiga.

Avvalroq, 32 yoshli uelslik futbolchi klub bilan 1+1 ko'rinishida shartnoma imzolagan edi.

Beylning avvalgi klubi "Real" bo'lib, uni erkin agent sifatida tark etgan. 2021/22 yilgi mavsumda uelslik futbolchi 7 uchrashuvda 1 ta gol urgan.