Neymar 8 ta, Mbabbe esa 4 ta o'yinga chetlashtirilishi mumkin

"PSJ" hujumchilari Neymar va Mbappe Ligi 1 reglamentiga ko'ra, kamida 3 ta o'yinga chetlashtirilishi kerak.

Frantsiya kubogi finalida "Renn"ga qarshi o'yinda Mbappe raqib futbolchisini tepgani uchun qizil kartochka olgandi. Uning «Monpele»ga qarshi o'yinda qatnashmasligi aniq. Shuningdek, Kilian 4 ta o'yinga chetlashtirilishi ham mumkin.

Frantsiya Futbol Federatsiyasi shuningdek Neymarning kumush medallar topshirilishi arafasidagi xatti-harakatini ham o'rganmoqda. O'shanda Neymar "Renn" klubi muxlislaridan biri bilan tortishgan va yuziga urgandi. Bu qilig'i uchun Neymarni 8 o'yinlik diskvalifikatsiya kutmoqda.