Raul "Espanol" bosh murabbiyi bo'lishni istamagan

Madridning “Real” klubi afsonasi Raul Gonsalesga “Espanol” bosh murabbiyligi taklif qilingan va u rad javobini bergan. Bu haqda Marca xabar bermoqda.

Manbaga ko'ra, Raul muloyim, ammo qat'iy javob bergan. U "qaymoqranglilar" yoshlar jamoasi bosh murabbiyligida qolishni tanladi. Natijada may oyi oxirida "Espanol" Diego Martinesni bosh murabbiy etib tayinladi.

2021/22 yilgi mavsum yakuniga ko'ra, "Espanol" La Ligada 14-o'rinni egalladi.

Eslatib o'tamiz, Raul 1994 yildan 2010 yilgacha "Real"da o'ynagan. Madrid klubi tarkibida u uch karra Chempionlar ligasi g'olibi va olti karra Ispaniya chempioniga aylandi.