Nemis himoyachisi "Bavariya"ga o'tishi mumkin

"Bavariya" "Xoffenxaym"ning chap qanot himoyachisi David Raumga qiziqish bildirmoqda, deya xabar beradi Kicker.

Manbaga ko'ra, Myunxen klubi yozgi transfer oynasida futbolchini sotib olish variantini ko'rib chiqmoqda va u uchun 30-40 million evro to'lashga tayyor. Futbolchiga Dortmundning "Borussiya", "Vest Xem" va "Nyukasl" klublari ham qiziqish bildirmoqda.

24 yoshli Raum o'tgan mavsumda “Xoffenxaym” safida barcha musobaqalarda 35 ta o'yinda maydonga tushib, 3 ta gol urdi va 13 ta golli uzatmani amalga oshirdi. Uning klub bilan shartnomasi 2026 yilning yoziga qadar mo'ljallangan.