O'FA qoshidagi futbol maktabi bolajonlarni chorlab qoladi

O'zbekiston futbol assotsiatsiyasi yurtimizda futbolni ommalashtirish, bolalar futbolini rivojlantirish, terma jamoalarimizga munosib nomzodlarni etkazib berish maqsadida turli chora-tadbirlarni amalga oshirmoqda.   Yurtimizdagi iste'dodli bolalarni futbol bilan muntazam shug'ullanishlarini ta'minlash, yosh futbolchilarning saviyasini o'stirib borish, yangi iste'dodlarni kashf qilish maqsadida, O'zbekiston futbol assotsiatsiyasi qoshida bolalar uchun futbol maktablari tashkil etilgani haqida avval xabar berib o'tgandik. 

Mazkur futbol maktablarida malakali murabbiylar 6-10 yoshdagi bolalarga futbol sir-asrorlarini o'rgatib borishadi. Jumladan, O'zbekiston milliy terma jamoasining sobiq hujumchisi Pavel Solomin hamda Naufal Boboev murabbiy sifatida ishlashmoqda.   Ushbu to'garaklarda nazariy va amaliy mashg'ulotlar o'tkazish va yosh futbolchilarning mahoratlarini sayqallab borish uchun barcha shart-sharoitlar yaratilgan. Futbol maktabiga qatnashish istagida bo'lgan bolalarning ota-onalari quyidagi telefon raqamiga qo'ng'iroq qilishlari mumkin:    +998901857547