Xavi ham tez orada AQShga yo'l oladi

"Barselona" bosh murabbiyi Xavi tez orada AQShga uchib ketadi va mavsum oldidan jamoaga qo'shiladi, deya xabar beradi AS nashri.

Klub ispaniyalik mutaxassisning mamlakatga kirish ruxsati bilan muammolarini hal qilishi kutilmoqda. Avvalroq, Xavi Eronga tashrif buyurgani uchun AQShga kiritilmagandi. Ispaniyalik futbolchi Qatarning “As-Sadd” klubi futbolchisi bo'lganida bu mamlakatga uch marta tashrif buyurgan.

Manbaga ko'ra, murabbiy 19 iyul kuni uchib ketadi va Kataloniya klubining "Inter Mayami"ga qarshi o'rtoqlik o'yiniga etib boradi.