"Real" Kuboning 50 foizlik transfer huquqlarini 6,5 million evroga sotib yuboradi

"Real Sosedad" "Real" yarim himoyachisi Takefusa Kubo bilan shartnoma imzolashni ko'rib chiqmoqda, deb yozmoqda jurnalist Fabritsio Romano o'zining Twitter sahifasida.

Bask klubi 21 yoshli yaponiyalikga 50 foiz huquqlar uchun 6,5 million evro taklif qilmoqda. Klublar o'rtasidagi muzokaralar yaqin vaqt ichida yakunlanishi mumkin. "Sosedad" yarim himoyachiga 2027 yilgacha shartnoma taklif qilmoqchi.

Kuboning "Real" bilan shartnomasi 2024 yilning iyunigacha amal qiladi. Transfermarkt portali uni 7,5 million evroga baholamoqda.

O'tgan mavsumda futbolchi "Malorka"da ijara asosida o'ynagan. U klub safida 30 ta o'yinda maydonga tushib, 2 ta gol urdi va 3 ta golli uzatmani amalga oshirdi.