Dibalaga faqat "Napoli" va "Roma" da'vogarlik qilmoqda

“Yuventus”ning sobiq hujumchisi Paulo Dibalada ikki yo'l bor.

Jurnalist Janluka Di Martsioning yozishicha, argentinalik futbolchiga faqat “Napoli” va “Roma” da'vogarlik qilmoqda. Ayni damda boshqa klublar tomonidan qiziqish yo'q.

Ehtimol, Dibala tez orada faoliyatini qaerda davom ettirishi borasida bir qarorga keladi. Paulo yangi klubga o'tishni kechiktirmoqchi emas.

Rimliklar Dibala uchun kim oshdi savdosida qatnashmoqchi emaslar, shuning uchun ular unga talablaridan pastroq taklifni berishdi. Dibala yiliga 6-7 million evro olishni istardi, "Roma" unga 4,5 million va bonuslar taklif qildi.

"Napoli"ning taklifi futbolchining talablariga javob beradi. Tez orada Paulo bu ikki klubdan birini tanlaydi.