De Yong qaysi klubga o'tmoqchiligi ma'lum bo'ldi

"Barselona" yarim himoyachisi Frenki de Yong "Manchester Yunayted"ga o'tishni istamayapti, deb xabar beradi Goal.com.

Manbaga ko'ra, mankunianliklar klubi so'ralgan summani to'lashga tayyor edi, ammo 25 yoshli futbolchi transferga qarshi bo'lgan.

Qayd etilishicha, yarim himoyachi o'tishga tayyor bo'lgan yagona jamoa - "Bavariya".

De Yong o'tgan mavsumda kataloniyaliklar safida barcha turnirlarda 45 o'yinda 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo'ljallangan.