"Tottenxem" Depay uchun 17 million evro bermoqchi

"Barselona" hujumchisi Memfis Depay faoliyatini "Tottenxem"da davom ettirishi mumkin, deya xabar beradi Sport.

Manbaga ko'ra, shanba kuni londonliklar kataloniyaliklarga hujumchi uchun 17 million evro taklif qilishgan. Ammo "Barsa" uning sotuvidan 20 million evro olishni istaydi. Futbolchining o'zi boshqa klublardan takliflarni kutmoqda. Depay Premer-ligaga qaytishni istamayapti.

Depay o'tgan mavsumda La Ligada 27 ta o'yinda maydonga tushib, 12 ta gol urdi va 2 ta golga assistentlik qildi.