"Manchester Yunayted" De Yong transferi o'xshamagan taqdirda Neveshni sotib olmoqchi

"Manchester Yunayted" "Vulverxempton" yarim himoyachisi Ruben Neveshni o'z safiga qo'shib olmoqchi, deb xabar beradi Daily Express.

Manbaga ko'ra, "Manchester Yunayted" agar klub "Barselona" futbolchisi Frenki de Yongning transferini amalga oshira olmasa, 25 yoshli portugaliyalikning nomzodini ko'rib chiqmoqda.

2021/22-yilgi mavsumda Nevesh “bo'rilar” safida 36 ta o'yinda maydonga tushib, 4 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 40 million evroga baholamoqda.