Runi "Manchester Yunayted" futbolchisining transferini istamoqda

Daily Star xabariga ko'ra, "Di Si Yunayted" "Manchester Yunayted" himoyachisi Fil Jonsga qiziqish bildirmoqda.

Manbaga ko'ra, Amerika jamoasi bosh murabbiyi Ueyn Runi 2011 yildan 2017 yilgacha "Manchester Yunayted"da birga to'p tergan 30 yoshli angliyalikni o'z tarkibida ko'rmoqchi.

Runi 12 iyul kuni "Di Si Yunayted"ni boshqarishga kirishdi.

Fil Jons o'tgan mavsumda "Manchester Yunayted" tarkibida 8 ta o'yinda maydonga tushib, 1 ta sariq kartochka oldi. Transfermarkt.com portali futbolchining narxini 3 million evroga baholamoqda.