"PSJ" futbolchisiga Shotlandiya grandi qiziqish bildirmoqda

Jurnalist Nikolo Skira xabariga ko'ra, "Seltik" "PSJ" yarim himoyachisi Eduard Mishuni o'z safiga qo'shib olmoqchi.

Manbaga ko'ra, Shotlandiya klubi 19 yoshli frantsiyalik futbolchi uchun 5 dan 6 million evrogacha olmoqchi bo'lgan parijliklar bilan muzokaralar olib borgan va shartnomaga ko'ra, ular pulning ma'lum foizini keyingi transferdan olishlari haqidagi bandni kiritgan.

Mishu "PSJ" tarbiyalanuvchisi, u asosiy jamoada 8ta o'yinda 1ta golli uzatmani amalga oshirdi. Transfermarkt.com portali futbolchining narxini 3 million evroga baholamoqda.