"Yuventus" Pau Torres uchun 40-45 million evro to'lashga tayyor

"Yuventus" "Vilyarreal" himoyachisi Pau Torresga qiziqish bildirmoqda, deb xabar beradi Eurosport.

Manbaga ko'ra, Turin klubi 25 yoshli ispaniyalik uchun 40-45 million evro taklif qilishga tayyor.

Qayd etilishicha, “Vilyarreal” himoyachi uchun 50 million evro olmoqchi.

Shu bilan birga, "Manchester Siti" Torres uchun kurashda "Yuventus" bilan raqobatlasha oladi.

Torres o'tgan mavsumda "sariq suv osti kemasi" safida 46 ta o'yinda maydonga tushib, 6 ta gol urdi va bitta golli uzatmani amalga oshirdi. Himoyachining klub bilan shartnomasi 2024 yilning 30 iyuniga qadar amal qiladi.